Bókin höfðar að vísu sérstaklega til ungra predíkara og presta, en hefur að geyma svo tæran boðskap að allir get haft gagn af. Bókin er stutt, aðeins um 60 síður minnir mig, en þrátt fyrir það mjög spennandi. Hún bendir á ýmsar gildrur og gryfjur sem ungur kristinn einstaklingur getur fallið í.

Ungi guðfræðineminn og frændi hans setjast að í litlu þorpi til þess að reyna að kenna þorpsbúum fagnaðarerindið um Jesú Krist. En fólkið sem lengi hafði lifað i myrkrinu, án krists, átti ekki svo auðvelt með að taka við honum. Þar að auki var ungi guðfræðineminn ekki eins lærður og eins mikill og hann í upphafi hélt. Starfið í þessu litla þorpi, og staðfesta frænda gamla, áttu smám saman eftir að breyta viðhorfi hans.

Ég mæli eindregið með þessari bók. Hún er stutt og spennandi og  hefur ríkan boðskap sem skilur eftir sig djúp spor í huga lesandans.