Það eru svo sem margar ástæður fyrir því, en það segir sig auðvitað sjálft að konan getur ekki lengur ferðast langt. Hún er til dæmis komin langt yfir þann tíma þegar hún hefur leyfi til þess að fljúga, og langar bílferðir eða lestarferðir eru ekki vel séðar.

Við ætlum að hafa það huggulegt saman hér í íbúðinni okkar, borða páskalamb  á fimmtudag og vonandi komumst við líka í guðsþjónustu. Margrethe keypti bæði páskaliljur og tvo "páskadúka" í dag og hefur skreytt í búðina mjög vel. Kannski að ég skelli inn mynd á morgun, sem þýðir að ég geri það líklegast ekki. Ég nenni því allavega ekki núna.

Þetta verða fyrstu páskarnir mínir í Noregi og að þeim loknum hef ég haldið páska í fjórum mismunandi löndum. (svolítið stoltur af því)

Þótt svo að ég eigi að skila verkefni eftir einungis tvær vikur hef ég lofað því að nota ekki rauðu dagana til þess að læra. Ég verð víst að vinna því mun meir alla hina dagana. Það sem ég er að vinna í núna er mjög spennnadi og hlakka til þess að nota mestallan daginn uppi á bókasafni.