Frá því að ég tók við kvöldvaktinni á skólanum um klukkan þrjú og þar til sólin settist um áttaleytið hef ég setið úti á lóð ásamt Margrethe og nokkrum vinum okkar. Við höfum varla gert nokkurn skapaðan hlut annað en að grilla og spjalla saman, en samt er ég algerlega úrvinda. Engu að síður er það ósköp yndælt að sitja úti í sólinni, og ef við getum tekið mark á veðurspánni lítur út fyrir að við getum gert hið sama alla næstu daga.

Margrethe er ennþá ólétt, eða möo: krakkinn er enn ekki fæddur. Við erum orðin svolítið óþolinmóð, en við verðum bara að bíða þar til hann er tilbúinn. Ég læt vita þegar eitthvað gerist.