Okkur er gefin dagsetningin 4. maí og hafi krakkinn ekki látið heyra í sér tveimur vikum seinna verður hann tekinn með valdi. Það þýðir að ekki seinna en 18. maí mun konan halda á honum í fangi sínu.

Ég hef tekið eftir því að það er ýmislegt sem þarf að vera búið að gera áður en krakkinn kemur. Ég þarf að mála bæði svefnherbergið okkar og baðherbergið. Ef færi gefst langar mig líka að leggja gólf á svefnherbergið. Það þarf að kaupa, fá lánað eða jafnvel gefið allskonar útbúnað, fatnað, sápur, krem, bleyjur og ýmislegt annað. Að ákveðnu marki minnir þetta á brúðkaupsundirbúninginn fyrir ári síðan.

Nú er mestu af þessu lokið og við bíðum bara spennt eftir að sjá krakkan okkar. Mér þætti meira að segja ágætt ef hann flýtti sér aðeins.