Sjálfur sit ég í afgreiðslunni á Fjellhaug, eins og svo oft áður. Í augnablikinu er ég að hlusta á morgunumræður á Rás 1 þar sem Óli Gríms segir sínar skoðanir á lýðveldinu og lýðveldi í öðrum löndum. Annars vonast ég til að geta horft á vefsjónvarpið þegar blómsveigur verður lagður að styttu Jóns Sigurðssonar.

I dag vonast ég svo til að geta tekið þátt í hátíðarhöldum íslendingafélagsins. Það var svakalega gaman í fyrra, enda mættu margir og veðrið var til fyrirmyndar. Við fórum í stutta skrúðgöngu í umhverfinu og fólk kom út á svalir til að horfa á. Stjórnandi ís-kórsins hafði fengið norska lúðrasveit til að spila undir. Formlega verða hátíðarhöldin svipuð í ár, þótt svo að veðrið lofi ekki jafngóðu. Ég hugsa að það sé ekki meira en 15 stiga hiti og smásúld.