Svo ég byrji á hinni minni af fréttunum tveimur fékk ég í dag A í fornleifafræði gamla testamentisins. Ég er eiginlega svolítið hissa á að verkefnið gekk svona vel, þar sem ég veit um allavega tvö til þrjú atriði sem ég vildi að ég hefði gert betur. Sérstaklega voru tvö nöfn sem ég vildi að ég hefði nefnt, sem ég gerði ekki. En, maður kvartar nú ekki yfir að fá hærri einkunn en vonast var eftir.

Seinni fréttin er mun betri, og hlýtur það að þýða að hún sé alveg sérstaklega góð. Jú það er nefnilega þannig að konan mín var í ómskoðun í dag, og í ljós kom að hin væntanlega fjölskylduaukning var í góðu formi... Já, það er rétt:  Við eigum von á barni í byrjun maí á næsta ári.

Mig hefur í raun langað að skrifa þetta hér alveg frá því að við fyrst vissum um þetta, en ég neyddist til að lofa að skrifa ekkert fyrr en eftir ómskoðunina.