Þannig var mál með vexti að Margrethe fékk skyndilgan kláða á fimmtudainn var. Þegar hann ætlaði ekkert að minnka með deginum hringdum við upp á sjúkrahús og við vorum strax beðin um að koma uppeftir. Þar voru teknar nokkrar blóðprufur, sem og hjartalínurit af krakkanum. Niðurstaðan var nokkuð sem heitir meðgöngukláði og stafar af bilun í lifrinni. Enn sem komið er eru viðbröðin mjög væg, og ekki hættuleg, en við eigum að mæta í nýja prufu á föstudaginn kemur.

Á meðan við bíðum eftir þessarri nýju prufu hefur veðrið leikið við okkur. Sólin hefur skinið frá morgni til kvölds frá því fyrir helgi. Hitinn hækkar með hverjum degi og nú í gær fór hann upp í 18 stig. Þetta litla vorkast er sem sagt hlýrra en íslenskt sumar (Eins og fram kemur í þessari skemmtilegu frétt)

Á laugardag kláraði ég líka lítið verkefni sem ég byrjaði á fyrir nokkru síðan. Ég er búinn að mála svefnherbergið og setja veggfóður á einn vegg. Þar að auki hef ég málað alla veggina á baðherberginu.

Er þetta ekki flott?