Loksins er sökudólgurinn fyrir "fjárhagskreppunni" svokölluðu fundinn. Það voru útrásarvíkingarnir í bönkunum. Og þó.. Kannski var það seðlabankastjórinn. Nei, ekki var það hann. Það var forsætisráðherra Bretlands. Íslenska ríkið ætti að fara í mál við hann og fá hann til að borga brúsann. Svo getum við ort níð um hann.... eða?

Þegar útrásin svokallaða hósft hugsaði ég með sjálfum mér að þetta gæti ekki endað vel. Hinvegar hefur það nú þegar farið mun verr en mig hafði grunað, og líklegast versnar það enn ef marka má mbl. Ef Ísland tekur lán hjá Rússlandi, þá borgar sig að vera forsjár og læra rússnesku eins fljótt og auðið er.

Fyrir löngu skrifaði ég innlegg í netdagbókina um lélegan fréttaflutning á mbl.is. Oftar en ekki rekst ég á villur bæði í stafsetningu og málfræði. Ástæðan hlýtur eiginlega að vera sú að höfundar fréttana gefa sér ekki tíma til þess að lesa þær yfir áður en þær eru settar á vefinn.

... og takk fyrir veturinn. Í tilefni dagsins ákvað ég að flagga íslenska fánanum frá svölunum okkar. Ekki leið á löngu þar til ég fékk spurningar um fánan, og hvort að það þýddi að fjölskylduaukinn væri kominn í heiminn. Þannig er nú ekki og mér þykir amk. ólíklegt að hann komi í þessari viku.

Jæja, þá segir stundaskráin að það sé komið páskafrí. Samnemendur mínir eru flestir farnir heim til foreldra sinna, eða áleiðis í sumarbústað. Þeir sem eftir eru fara líklegst strax eftir helgi. Við hjónin ætlum hinsvegar að vera eftir hér.

Ný ensk biblíuþýðing (NET - New English Translation) kom út fyrir nokkrum árum, með endanlegri útgáfu árið 2005. Fyrir þá sem ekki eru hrifnir af nýju íslensku þýðingunni mæli ég eindregið með þessari. Ekki nauðsynlega venga sjálfrar þýðingarinnar heldur vegna þess að með henni fylgja nákvæmar lýsingar á hvernig valið var milli mikilvægra atriða, nokkuð sem gefur lesandanum meiri skilning á fjölbreytileika frumtextans.

Um daginn var mér litið inn á íslenska hlið alfræðiorðabókarinnar Wikipedia. Ég fletti upp nokkrum orðum eins og Biblían, Jesús og kristni. Greinunum er augljóslega mjög ábótavant, og gaman væri að setja saman hóp sem hefði það hlutverk að endurbæta þær.

Ný þýðing á biblíunni leit dagsins ljós í miðjum október og heimasíða þessarar þýðingar opnaði fyrsta nóvember. Þýðingarnefnd hefur augljóslega vandað sig við verkið og fylgt sínum hugsjónum. Hvort að hugsjónirnar eru réttmætar er önnur spurning og helst þyrfti að meta kosti þeirra og galla opinberlega. Hér ætla ég hinsvegar að benda á örfáa almenna erfiðleika við að þýða biblíuna.

Þá er sumarið liðið og ég hef ekki skrifað eina einustu frétt síðan sautjánda júní. Ég hef tekið eftir því að ég nota netið afar lítið þegar ég ekki þarf að nota tölvuna við önnur verkefni (þ.e. skólann). Á sumrin er ýmislegt annað sem er mikilvægara. Sumarið í ár hefur ekki verið nein undantekning á því. Margt hefur gerst hjá mér þessar síðustu vikur og mig langar að segja frá nokkrum þessara hluta.

Ég vil óska Íslendingum, hvar sem þeir kunna að vera, gleðilegrar hátíðar á þjóðhátíðardegi, 17. júní.