Þríþrautin Ironman er haldin á Hawaii einu sinni á ári.  Keppendur stilla upp og synda fyrst tvær og hálfa mílu, eða tæpa fjóra kílómetra. Að þessu loknu setjast þeir upp á reiðhjól og fara ekki af því fyrr en þeir hafa hljólað um 180 kílómetra. Eins og að þetta væri ekki nóg, ljúka þeir þríþrautinni á því að hlaupa maraþon, sem er 42 kílómetrar. (Sjá heimasíðu IronMan)

Heimsmetið er í höndum Belga sem kláraði þríþrautina á rétt rúmum átta tímum. Það þýðir að hann hefur þurft að halda meðalhraða upp á næstum því 30 km/klst. Til viðmiðunar tæki tæplega tvo og hálfan tíma að keyra leiðina ef maður fer ekki  yfir íslenskann hámarkshraða.

Ég sá þetta í sjónvarpinu rétt áðan. Þá var sýnt frá endaspretti í kvennaflokki. Konurnar voru nokkuð illa á sig komnar þegar þær komu í mark og sumar hverjar hrundu saman rétt fyrir marklínuna. Ein af þeim tók sig til og skreið í mark... Því miður tókst mér ekki að finna nákvæmnlega þetta myndskeið á youtube, en ég fann eitt svipað. Ég skelli því með hér að neðan.