Sem Íslendingur búsettur í Noregi eru að sjálfsögðu einhverjar persónur og hlutir sem ég sakna. Það væri t.d. gaman að hafa fjölskylduna og nokkra gamla vini hérna. Fyrir utan fólk sem ég þekki er það næstum því bara einstakar matvörur sem ég sakna, og smám saman er alltaf að batna í því.

Ég veit ekki hvort að ég hef sagt frá mínu nýjasta áhugamáli, en það er nokkuð sem ég hef fengið í kaupbæti með vinnunni. Fyrir rúmu ári síðan tók ég þátt í ritsjórn jólablaðs skólans, og í framhaldi af því var mér gefin aðalábyrgð með blaðinu. Nú hef ég staðið að baki fjórum tölublöðum og ég verð að segja að þetta verður bara skemmtilegra og skemmtilegra.

Jæja, þá er fyrsti snjór þessa vetrar fallinn. Hann er snemma á ferðinni í ár, og reyndar svo snemma að trén eru ekki enn búin að fella laufið. Þ.e. ekki öll. Þótt svo að sum tré hafi misst allt laufið fyrir löngu síðan eru þó enn tré sem eru nærri því alveg græn. Þetta er skemmtileg samansetning, sem ég hef ekki upplifað áður.

Myndina tók ég frá veröndinni okkar um hádegisbil í dag.

Jæja þá er haustið komið og því fylgja ýmis haustverk. í gær týndi ég tvo burðarpoka af eplum og bjó til eplamauk.

Eins og margir vita eru íþróttir í óhófi ekki heilsusamlegar. Margir atvinnumenn í handbolta, fótbolta og öðrum krefjandi íþróttum eyðileggja liði og bein og sumir enda jafnvel í hjólastól. En hér er íþrótt sem sprengir öll bönd.

Eins og sumir vita er ég afar sólginn í chilipipar og nærri því allt sem vel er kryddað með honum. Þetta veit konan mín vel, og þess vegna keypti hún nokkra chiliávexti handa mér snemma í sumar. Mér datt í hug að kippa nokkrum fræum til hliðar og sjá hvort að ég gæti ræktað minn eigin pipar.

Jæja, þá segir stundaskráin að það sé komið páskafrí. Samnemendur mínir eru flestir farnir heim til foreldra sinna, eða áleiðis í sumarbústað. Þeir sem eftir eru fara líklegst strax eftir helgi. Við hjónin ætlum hinsvegar að vera eftir hér.

Nokkuð sem menn hafa tekið eftir hér í Noregi og væntanlega einnig heima á klakanum er að Israelsmenn hafa samið nokkuð skemmtilegt framlag í Eurovision. Lagið, sem heitir "push the button" fjallar um geiðveikina í heiminum og alla sjálfsmorðsárásarmenninna sem hata Ísrael. Skemmtilegt og fjörugt lag, og síðast en ekki síst: drepfyndið.

Í dag uppgötvaði ég svolítið asnaleg mistök. Ég gekk fram hjá afgreiðslu skólans og þá var kallað í mig og mér réttur launaseðillinn minn. Ég leit snöggt á hann og sá að útborgunin var allmörgum þúsundum yfir því sem ég hafði unnið mér til...